பாக்ஸ் ஆஃபிஸ் - விண்ணைத்தாண்டி வருவாயா சாதனை.

கௌதமின் விண்ணைத்தாண்டி வருவாயா சென்னை பாக்ஸ் ஆஃபிஸில் முதலிடத்தைப் பிடித்துள்ளது. சிம்பு நடிப்பில் வெளிவந்த அனைத்துப் படங்களின் வசூல் சாதனைகளையும் இப்படம் முறியடித்துள்ளது.

5. அசல்
அ‌ஜித்தின் 49வது படமான அசல் வசூலில் தரைதட்டியிருக்கிறது. அரத பழசான கதை, சுவாரஸியமில்லாத கதை என அசலின் எந்தப் பக்கமும் மெகா ஓட்டை. மூன்று வாரங்கள் முடிவில் இப்படத்தால் 2.30 கோடிகளை மட்டுமே வசூலிக்க முடிந்துள்ளது. இதன் சென்ற வார இறுதி வசூல் ஏறக்குறைய 3 லட்சங்கள்.

4. கோவா
ஹோமோ செக்சுவல் என்ற கலாச்சார அலர்‌ஜி காரணமாக ஒதுக்கப்பட்ட இந்த ஆண்டின் சிறந்த காமெடிப் படங்களில் ஒன்று கோவா. எதிர்மறை விமர்சனங்களைத் தாண்டி இப்படம் நான்கு வார முடிவில் 1.72 கோடிகளை வசூலித்துள்ளது. இதன் சென்ற வார இறுதி வசூல் 4.3 லட்சங்கள்.

3. தமிழ்ப் படம்
இதுவரை வந்த தமிழ்ப் படங்களை கிண்டல் செய்வது என்ற ஒற்றை இலக்குடன் வெளிவந்த இந்தப் படம் கோவா மீதுள்ள அதிருப்தியையும் சேர்த்து அறுவடை செய்திருக்கிறது. இதன் நான்கு வார வசூல் 2.24 கோடிகள். சென்ற வார இறுதி வசூல் 13.4 லட்சங்கள்.

2. தீராத விளையாட்டுப் பிள்ளை
சன் பிக்சர்ஸின் அதீத விளம்பரங்கள் வீ‌ரியம் இழக்க ஆரம்பித்துவிட்டன என்பதற்கு சிறந்த உதாரணம் தீராத விளையாட்டுப் பிள்ளை. இரண்டு வாரங்கள் முடிவில் இந்தப் படத்தால் 1.3 கோடிகளை மட்டுமே வசூலிக்க முடிந்துள்ளது. இதன் சென்ற வார இறுதி வசூல், 18.6 லட்சங்கள்.

1. விண்ணைத்தாண்டி வருவாயா
எவரும் எட்டிப் பிடிக்க முடியாத இடத்தில் விண்ணைத்தாண்டி வருவாயா. இந்த காதல் படத்துக்கு பட்டணத்தில் அமோக வரவேற்பு. சில ஊடகங்களின் விஷம விமர்சனத்தைத் தாண்டி இப்படத்துக்கு ரசிகர்கள் ஆதரவளித்துள்ளனர். முதல் மூன்று தினங்களில் ஏறக்குறைய 66 லட்சங்களை வசூலித்து சாதனைப் படைத்திருக்கிறது கௌதமின் இந்தப் படம்.

இந்த வாரம் அவள் பெயர் தமிழரசி, தம்பிக்கு இந்த ஊரு, வீரசேகரன் ஆகிய படங்கள் வெளியாவதால் பாக்ஸ் ஆஃபிஸில் மாற்றத்தை எதிர்பார்க்கலாம்.

சிம்புவுடன் 'லிப் டு லிப்' தப்பில்லை! த்ரிஷா

உதட்டோடு உதடு பதித்து சிம்பு வை பலமுறை விண்ணைத் தாண்டி வருவாயா படத்தில் முத்தமிட்டேன். படம் அப்படி. எனக்கு அது தப்பாகவும் தெரியவில்லை என்றார் நடிகை த்ரிஷா.

மேலும் இந்த மாதிரி முத்தக் காட்சிகளில் நடிப்பது எனக்கு ஒரு பிரச்சினையே இல்லை என்றும் அவர் கூறியுள்ளார்.

சிம்பு - த்ரிஷா நடித்த விண்ணைத் தாண்டி வருவாயா படத்தில் சில இடங்களில் த்ரிஷாவும் சிம்புவும் மிகவும் நெருக்கமாக நடித்துள்ளனர். உதட்டோடு உதடு பதித்து முத்தங்களும் பறிமாறிக் கொள்கின்றனர்.

இதுபற்றி நடிகை த்ரிஷா நேற்று கூறியது:

முத்தக் காட்சிகளில் நடிப்பதில் எனக்கு எந்த பிரச்சினையும் இல்லை. கதைக்கு தேவை என்பதால் சிம்புவை முத்தமிட்டேன். அதில் தவறல்ல.

இது போன்ற காட்சிகள் கதையை பொறுத்தும் டைரக்டர் விருப்பத்தை பொறுத்தும்தான் அமைகின்றன. இயக்குனர் சொல்படி நான் செய்கிறேன். இதில் என் விருப்பமெல்லாம் இல்லை.

இன்றைக்கு திரையுலகில் ஒரு நிலையை எட்டி விட்டேன். சினிமா பற்றி தெரியாதவள் மாதிரி, முத்த காட்சிகள், நீச்சல் உடை காட்சிகளில் நடிக்க மறுத்தால் அது எனக்குத்தான் தகுதி குறைவு.

விண்ணைத்தாண்டி வருவாயா படத்தில் என் கேரக்டரை பாராட்டி இமெயிலில் வாழ்த்துக்கள் குவிகின்றன. அவர்களுக்கெல்லாம் பதில் அனுப்பி வருகிறேன். நிறைய படங்களில் நடித்துள்ளேன். இதற்கு முன் இவ்வளவு பாராட்டுகள் வந்ததில்லை. இத்தனை அருமையாக விமர்சனங்களை யாரும் எழுதியதுமில்லை. அவற்றைப் படித்த பிறகுதான், என் மீது எனக்கே மரியாதை ஏற்பட்டுள்ளது. ஜெஸ்ஸி போன்ற கதாபாத்திரங்கள் அமைவது அபூர்வமானது. கௌதமுக்கு நன்றி.

ஸ்ரேயாவுடன் பிரச்சினையா?

எனக்கும் ஸ்ரேயாவுக்கும் ஒரு பிரச்சினையும் இல்லை.

ரவிதேஜாவுடன் தெலுங்கு படத்தில் நடிக்க அழைத்தனர். நானும் சம்மதித்தேன். ஆனால் அதற்கு மொத்தமாக நிறைய நாட்கள் கால்ஷீட் கேட்டனர். கமல் படம் உள்பட வேறு படங்களில் நடிக்க வேண்டி இருப்பது பற்றி அவர்களிடம் விளக்கினேன். பிறகுதான் அப்படத்தில் இருந்து விலகினேன்.

இப்போது எனக்கு பதில் ஸ்ரேயாவை ஒப்பந்தம் செய்து இருப்பது பற்றி எனக்கு தெரியாது. எப்படியும் எனக்கு பதில் வேறு யாரையாவது அவர்கள் ஒப்பந்தம் செய்துதானே ஆக வேண்டும்.

கமலுக்காக தயாராகிறேன்...

கமல் ஹாஸன் என்னை அழைத்து யாவரும் கேளிர் பட கேரக்டர் பற்றி சொன்னார். அப்படத்தில் நான் நிச்சயம் வித்தியாசமாக தெரிவேன். என் உடைகளை புதிய ஆடை வடிவமைப்பாளரை வைத்து தயார் செய்கிறார்கள். கமல் சார் எதையும் கச்சிதமாக செய்யக்கூடியவர். படப்பிடிப்புக்கு செல்வதற்கு முன்பே தயார்படுத்திக் கொள்ளச் சொல்வார். ஏற்கெனவே அவருடைய மர்மயோகிக்காக அந்த அனுபவத்தைப் பெற்றுள்ளேன்..." என்றார்.

நடிகையுடன் உல்லாசமாக இருக்கும் நித்தியானந்தா சுவாமிகள்: பரபரப்பு - போராட்டம்

சென்னை: பிரபல சாமியார் நித்தியானந்தா, தமிழ் நடிகை ஒருவருடன் உல்லாசமாக இருக்கும் வீடியோ வெளியாகி பரபரப்பை ஏற்படுத்தியுள்ளது.

இதையடுத்து தமிழகம் மற்றும் பெங்களூரில் உள்ள நித்யானந்தா ஆசிரமக் கிளைகளை பக்தர்களும், பொதுமக்களும் அடித்து நொறுக்கினர். நித்யானந்தாவுக்கு எதிராக இந்து மக்கள் கட்சியும் போராட்டத்தில் குதித்துள்ளது.

கதவைத் திற காற்று வரும் என்ற தலைப்பில் நித்தியானந்தா சுவாமிகளின் போதனைகள் குறுகிய காலத்தில் பிரபலமானவை. வெறும் 32 வயதே ஆகும் நித்தியானந்தாவுக்கு லட்சக்கணக்கான பக்தர்கள் உள்ளனர்.

தமிழகத்தின் திருவண்ணாமலையில் பிறந்த ராஜசேகரன் என்ற இயற்பெயர் கொண்ட நித்தியானந்தாவுக்கு கர்நாடகத்திலும், தமிழகத்திலும் ஆசிரமங்கள் உள்ளன.

குறிப்பாக கர்நாடக மாநிலத்தில் இவருக்கு ஏராளமான பக்தர்கள் உண்டு. பெங்களூரில் மைசூர் சாலையில் உள்ள பிடுதியில் 200 ஏக்கர் பரப்பளவில் நித்யானந்த தியான பீடம் என்ற பிரபலமான ஆசிரமத்தை நடத்தி வருகிறார். இது தான் தலைமையகமும் கூட.

உலகம் முழுவதும் 33 நாடுகளில் ஆயிரத்துக்கும் மேற்பட்ட கிளைகளை துவக்கி ஆன்மிக பணிகள் ஆற்றி வருவதாக மக்கள் மத்தியில் அறியப்பட்டவர். பல தரப்பினர் மத்தியிலும் பிரபலமான இவர் ஆங்கிலம் மற்றும் தமிழில் வசீகரமாக பேசுவதிலும், எழுதுவதிலும் வல்லவர்.


இந் நிலையில், நித்தியானந்தா, ஒரு நடிகையுடன் இருப்பது போன்ற வீடியோவை பிரபல தமிழ்த் தொலைக்காட்சி நேற்று ஒளிபரப்பியது. இதனால் பெரும் பரபரப்பு ஏற்பட்டது.

அந்த நடிகையின் முகத்தை மட்டும் அந்தத் தொலைக்காட்சி மறைத்து விட்டது. மாறாக அவரது பெயர் 'ஆர்' என்ற ஆங்கில எழுத்தில் ஆரம்பமாகும் என்று மட்டும் குறிப்பிட்டது.

அந்த நடிகையும், நித்தியானந்தாவும் சின்னச் சின்ன சில்மிஷங்களில் ஈடுபடுவது போன்ற காட்சிகள் அதில் இடம் பெற்றுள்ளன.

இந்த வீடியோ எப்போது எப்படி எங்கே எடுக்கப்பட்டது என்பது தெரியவில்லை. ஆனால் சம்பந்தப்பட்ட நடிகைதான் இதை ரகசியமாக படமாக்கியிருக்க வேண்டும் என சந்தேகிக்கப்படுகிறது.

அந்த நடிகைதான் இந்த வீடியோவை சம்பந்தப்பட்ட தொலைக்காட்சிக்கு அனுப்பியிருக்கலாம் எனவும் ஊகிக்கப்படுகிறது.

இந்த வீடியோ வெளியானதைத் தொடர்ந்து பரபரப்பு கூடியது. திருவண்ணாமலை கிரிவலப் பாதையில் உள்ள சாமியாரின் ஆசிரமத்திற்கு விரைந்து வந்த இந்து மக்கள் கட்சியினர் போராட்டம் நடத்தி ஆசிரமத்தைத் தாக்கினர். அங்கிருந்து நித்தியானந்தாவின் படங்களை கிழித்துத் தீயிட்டுக் கொளுத்தினர்.

திருவண்ணாமலை மாவட்ட இந்து மக்கள் கட்சித் தலைவர் சிவபாபு தலைமையில் அக்கட்சியினர் திடீரென ஆசிரமம் முன் வந்து நித்யானந்தருக்கு எதிராகக் குரல் எழுப்பினர்.

இதையடுத்து விரைந்து வந்த போலீஸார் சிவபாபு உள்ளிட்ட 10 பேரையும் கைது செய்து அப்புறப்படுத்தினர். ஆசிரமத்திற்குப் பாதுகாப்பு போடப்பட்டுள்ளது.

இந்த செய்தியை அறிந்த உடன், ஏராளமான பக்தர்களும், பொதுமக்களும் பெங்களூரில் உள்ள ஆசிரமம் முன் குவிந்துவிட்டனர்.

ஆசிரமத்தை இழுத்து மூட வேண்டும் என்றும் போலிச் சாமியாரை கைது செய்ய வேண்டும் என்றும் ஆர்ப்பாட்டத்தில் ஈடுபட்டனர். பெரும் கலவரம் மூளும் அபாயம் இருப்பதால் போலீசார் குவிக்கப்பட்டுள்ளனர்.

கடலூர் பகுதியில் நித்யானந்தருக்கு எதிராக பெரும் கலவரம் வெடித்துள்ளது. அவரது போஸ்டர்கள் கிழிக்கப்பட்டன. அவற்றின் மீது சாணியை அடித்தனர்.

புதுச்சேரியில் உள்ள இந்த சாமியாரின் யோகா மையம், ஆசிரமம் போன்றவை மக்களால் சூறையாடப்பட்டது. பொருட்கள் அனைத்தும் அடித்து நொறுக்கப்பட்டன.

போலீசார் குவிக்கப்பட்டும் மக்களைக் கட்டுப்படுத்த முடியவில்லை. சாமியாரின் படங்கள் பொருட்களுக்கு தீவைத்தனர்.

சர்ச்சைக்குள்ளாகியுள்ள நித்தியானந்தாவுடன் உள்ள நடிகையின் பெயரை சம்பந்தப்பட்ட சேனலும், அதன் குழுமத்தைச் சேர்ந்த நாளிதழும் கூறாமல் விட்டு விட்டதால் அவரது அரைகுறை முகத்தை வைத்து அவர் யார் என்பதை அறிய தமிழகம் முழுவதும் மக்கள் அலை பாய்ந்தவண்ணம் உள்ளனர்.

'உலகின் ஆன்மீக ஒளி நானே' என்று கூறி வந்த நித்யானந்தா, அமெரிக்க இந்துப் பல்கலைக் கழகத்துக்கு தலைவராகவும் இருக்கிறார் என்பது குறிப்பிடத்தக்கது.

பஜாஜ் இருசக்கர வாகனகள் விற்பனை 75 விழுக்காடு அதிகரிப்பு.

இந்தியாவின் இருசக்கர வாகன முன்னணி நிறுவனங்களில் ஒன்றான பஜாஜ் ஆட்டோ நிறுவனத்தின் வாகனங்கள் விற்பனை பிப்ரவரியில் 75 விழுக்காடு அதிகரித்துள்ளது. இந்த மாதத்தில் மொத்தம் 2,68,678 வாகனங்கள் விற்பனையாகி உள்ளன. ( சென்ற வருடம் பிப்ரவரி 1,53,782.)

இது குறித்து மேலாண் இயக்குநர் ராஜுவ் பஜாஜ் கூறுகையில், பட்சர், டிஸ்கவர் ரக மோட்டார் பைக் விற்பனை அதிக அளவு உயர்ந்துள்ளது. எங்களது தயாரிப்புக்கள் உள்நாட்டில் மட்டும் 2,34,623 விற்பனையகி உள்ளது. ஏற்றுமதியும் 53 விழுக்காடு அதிகரித்துள்ளது. பிப்ரவரியில் 77,642 வாகனங்கள் ஏற்றுமதியாகி உள்ளது.

மோட்டார் சைக்கிளுக்கு தொடர்ந்து வரவேற்பு இருப்பதால், ஏப்ரல் மாதத்தில் இருந்து மாதத்திற்கு 3 லட்சம் உற்பத்தி செய்யும் அளவுக்கு திறனை அதிகரிக்க உள்ளோம்.

இதே போல் ஆட்டோ போன்ற வர்த்தக, சரக்கு வாகனங்களின் விற்பனையும் 60 விழுக்காடு அதிகரித்துள்ளது என்று தெரிவித்துள்ளார்.

பிராவிடண்ட் பண்ட் வட்டி 8.5 விழுக்காடு வழங்க பரிந்துரை.

பிராவிடண்ட் பண்ட் என்று அழைக்கப்படும் ஓய்வுகால நிதியின் உள்ளவர்களுக்கு, வரும் நிதி ஆண்டிற்கு 8.5 விழுக்காடு வட்டி வழங்கப்படும்.

பி.எஃப் என்று சுருக்கமாக அழைக்கபடும் ஓய்வுகால நிதிக்கு, கடந்த ஐந்து வருடங்களாக 8.5 விழுக்காடு வட்டி வழங்கப்படுகிறது. இதையே வரும் நிதி ஆண்டிலும் வழங்க ஓய்வுகால நிதியை நிர்வாகிக்கும் குழு பரிந்துரைத் துரைத்துள்ளது.

பி.எஃப் நிறுவனத்தில் சேரும் பணத்தை முதலீடு செய்வதற்கும், எந்தெந்த வகையில் முதலீடு செய்யலாம், இதில் இருந்து கிடைக்கும் வருவாயை, பி.எஃப் சந்தாதாரர்களுக்கு எவ்வாறு பிரித்து கொடுப்பது என்று ஆலோசனை கூற, பைனான்ஸ் அண்ட் இன்வெஸ்ட்மென்ட் கமிட்டி பரிந்துரைக்கிறது.

இதன் பரிந்துரை சென்ட்ரல் போர்ட் ஆப் டிரஸ்டி முன் வைக்கப்படும். இதில் பி.எஃப் அதிகாரிகள், தொழிற்சங்க பிரதிநிதிகள் இடம் பெற்றுள்ளனர்.

பைனான்ஸ் அண்ட் இன்வெஸ்ட்மென்ட் கமிட்டியின் கூட்டம் சென்ற வெள்ளிக் கிழமை நடைபெற்றது. இதில் வரும் (2010-11) நிதி ஆண்டுக்கு 8.5 விழுக்காடு வட்டி வழங்க பரிந்துரைக்கப்பட்டது. இதனால் வட்டி வழங்கியது போக, பி.எஃப் நிறுவனம் வசம் ரூ.15 கோடியே 26 லட்சம் இருப்பில் இருக்கும்.

இதில் இடம் பெற்றுள்ள தொழிலாளர் தரப்பு பிரதிநிதிகள் 9.5 விழுக்காடு வட்டி வழங்க வேண்டும் என்று கூறி வருகின்றனர். ஹிந்த் மஸ்தூர் சபா (ஹெச்.எம்.எஸ்) செயலாளர் ஏ.டி.நாக்பால், பாரதிய மஸ்தூர் சபா செயலாளர் (பி.எம்.எஸ்) பி.என். ராய் ஆகியோர் 8.5 விழுக்காடு வட்டிக்கு எதிர்ப்பு தெரிவித்ததுடன், பி.எஃப் அமைப்பில் சேர்ந்துள்ள பணத்தை முதலீடு செய்துள்ள வகையில் இருந்து கிடைக்கும் வருவாயை மதிப்பிட்ட பிறகே, எவ்வளவு வட்டி வழங்குவது என முடிவு செய்யலாம்.

பிஃஎப் கணக்கில் உள்ள ரூ. 2 லட்சத்து 57 லட்சம் கோடி முதலீடு செய்த வகையில் இருந்து கிடைக்கும் என மதிப்பிட்ட வருவாயையும், உண்மையாக கிடைத்த வருவாய் பற்றிய அறிக்கையை அளிக்க வேண்டும் என்று வலியுறுத்தியாதாக தெரிகிறது.

பி.எஃப் அமைப்பில் 4 கோடியே 70 லட்சத்திற்கும் மேற்பட்டோர் உறுப்பினராக உள்ளனர். 2005-06 நிதி ஆண்டில் இருந்து 8.5 விழுக்காடு வட்டி வழங்கப்பட்டு வருகிறது.

இது முதலீடு செய்துள்ளவைகளில் இருந்து, வரும் நிதி ஆண்டில் ரூ.15,036 கோடி வருவாய் கிடைக்கும் என மதிப்பிடப்பட்டுள்ளது.

பி.எஃப் சந்தாதாரர்களுக்கு 8.5 விழுக்காடு வட்டி வழங்கினால், இதனிடம் உபரியாக ரூ.15.26 கோடி இருக்கும்.

இவர்களுக்கு 9 விழுக்காடு வட்டி வழங்கினால், ரூ.868 கோடிக்கும் மேல் பற்றாக்குறை ஏற்படும்.

சென்னையில் ‘டம்மி’ குண்டுவெடித்து 3 வீடுகள் சேதம்: 6 பேர் காயம்.

சென்னை மேற்கு மாம்பலத்தில் திரைப்படங்களுக்காக பயன்படுத்தப்படும் ‘டம்மி’ குண்டு வெடித்ததில் 3 வீடுகளும் ஒரு கடையும் தரைமட்டமானது. இதில் கணவன்-மனைவி மற்றும் குழந்தைகள் உட்பட 6 பேர் படுகாயமடைந்தனர்.

சென்னை மேற்கு மாம்பலம் காந்தி வீதியில் வசித்து வந்தவர் ரவி(42). இவர் தனது மனைவி ரத்னா(38) மற்றும் குடும்பத்தினரோடு வாடகை வீட்டில் வசித்து வந்தார். சினிமா சூட்டிங்கில் பயன்படுத்தும் ‘டம்மி’ வெடிகுண்டுகள் தயாரிக்கும் தொழிலை ரவி செய்து வந்தார்.

நேற்று இரவு 8 மணியளவில் ரவி வீட்டில் வைத்திருந்த டம்மி வெடிகுண்டுகள் பயங்கர சத்தத்துடன் திடீரென்று வெடித்து சிதறியது. அப்போது வீட்டில் ரவியும் அவரது மனைவி ரத்னாவும் இருந்தனர். அவர்கள் இருவரும் பலத்த காயமடைந்தனர். அவர்கள் வசித்து வந்த வீடு இடிந்து தரைமட்டமானது.

அவர்கள் வீட்டிற்கு அருகே இருந்த குளிர்பானக் கடையும் சரிந்து விழுந்தது. ரவி வசித்து வந்த வீட்டின் மேல் மாடியும் பக்கத்தில் இருந்த இன்னொரு வீடும் இடிந்து தரைமட்டமானது. மொத்தம் 3 வீடுகளும், ஒரு கடையும் இடிந்து தரைமட்டமானது.

சத்தம் கேட்டு நூற்றுக்கணக்கான பொதுமக்கள் அங்கு திரண்டு வந்தனர். வெடித்தது டம்மி குண்டாக இருந்தாலும் உண்மையான குண்டு வெடித்தது போல பயங்கர சத்தத்துடன் வெடித்ததாக அந்த பகுதி மக்கள் கூறினார்கள்.

குண்டு வெடிப்பில் காயமடைந்த ரவியும், அவரது மனைவி ரத்னாவும் உடனடியாக ராயப்பேட்டை அரசு ஆஸ்பத்திரிக்கு எடுத்துச் செல்லப்பட்டனர். அவர்கள் இருவரும் உயிருக்கு போராடியதால் பின்னர் கீழ்ப்பாக்கம் அரசு ஆஸ்பத்திரியில் அனுமதிக்கப்பட்டனர்.

பொது அறிவு

1. இலவசக் கல்வித் திட்டம் ஆரம்பிக்கப்பட்ட ஆண்டு எது?
1945 ஆம் ஆண்டு.


2. தேசியக்கொடி இல்லாத நாடு எது?
மசிடோனியா

3. மனித உடம்பில் அதிக சதை கொண்ட உறுப்பு எது?
நாக்கு.

4. தேசிய பாடசாலைகள் ஆரம்பிக்கப்பட்டது எப்போது?
1997 ஆம் ஆண்டு

5. உருகுவே நாட்டின் நாணயத்தின் பெயர் என்ன?
நியூபெசோ

6. கனடா நாட்டின் தேசிய விலங்கின் பெயர் என்ன?
பீவர்.

7. உலகிலேயே மிகப் பெரிய கிறிஸ்தவ தேவாலயம் எங்கு உள்ளது?
வத்திகானில் உள்ள தூய பேதுரு தேவாலயம்.

8. உலகத்திலே மிகவும் கனமான பொருள் எது?
யுரேனியம்.

9. தெற்காசியாவின் புதல்வி என்ற நூலை எழுதியவர் யார்?
பெனாசிர் பூட்டோ.

10. உலகின் கூடுதலாக எண்ணெய் ஏற்றுமதி செய்யும் இரண்டாவது நாடு எது?
ஈரான்.

பொது அறிவு
1. உலகின் முதல் செயற்க்கைகோளின் பெயர் என்ன?
விடை: ஸ்புட்னிக் 1.

2. அலைபேசிகளில் காணப்படும் SOS என்பதன் விரிவாக்கம் என்ன?
விடை: Save Our Soul.

3. உலக இரத்த தான தினமாக கருதப்படும் நாள் எது?
விடை: அக்டோபர் 1.

4. மோப்ப சக்தியால் இரை தேடும் பறவை இனம் எது?
விடை: கிவி.

5. போலியோ நோய் எதனால் ஏற்படுகிறது?
விடை: வைரஸ்.

6. அகசிவப்பு கதிர்களை எது அதிகமாக ஈர்க்கும்?
விடை: தண்ணீர்.

7. இந்திய தேசிய காலெண்டரின் படி புத்தாண்டு என்று தொடங்குகிறது?
விடை: மார்ச் 21.

8. இதயத்தில் எதனை அறைகள் உள்ளன?
விடை 4.

9. பயணித்த தூரத்தை அறிய வாகனங்களில் பயன்படுத்தப்படும் கருவி எது?
விடை: ஓடோமீட்டர்.

10. உலகின் இரண்டாவது நீளமான் கடற்கரையான மெரினாவை வடிவமைத்து பெயர் சூட்டியவர் யார்?
விடை: கிரண்ட்டப்