பங்குச் சந்தையை கட்டுப்படுத்தும் செபி, பங்குச் சந்தை வர்த்தகத்தில் ஈடுபடுவதற்கு 16 பேருக்கு தடை விதித்துள்ளது.
இந்த தடை உடனடியாக அமலுக்கு வருவதாக, பங்குச் சந்தை பரிவர்த்தனை வாரியம் (செபி) தெரிவித்துள்ளது.
இவர்கள் பங்குச் சந்தை வர்த்தகத்தில் கூட்டு சேர்ந்து ஈடுபட்டதால், இந்த தடை விதிக்கப்பட்டுள்ளது.
ஹேமலதா ரமேஷ் ஹங்கரே, ராஷ்மி ஆர் காந்தி, அனில் ராஜ்மல் ஷா, அல்பேஷ் ஆர் ஷா, ஜிதேந்திர மன்னாலால் ஜெயின், ரேணு மதுசூதன், பொலிவால் ஹஸ்முக், வால்சந்த் ஜெயின்,நரேஷ் வி ரஜாவத் உள்ளிட்ட பதினாறு பேர், கூட்டு சேர்ந்து ஒருங்கிணைந்த வர்த்தகத்தில் ஈடுபட்டதாக செபி தெரிவித்துள்ளது.
இவர்கள் 2009 ஆம் ஆண்டு மார்ச் மாதத்தில் செயற்கையாக சில நிறுவனங்களின் பங்கு விலையை உயர்த்தியுள்ளனர். அத்துடன் சில பங்குகள் அதிக எண்ணிக்கையில் வர்த்தகம் ஆனதாகவும் தெரிவித்துள்ளனர். ஆல் கார்கோ லாஜிஸ்டிக்ஸ், ஏசியன் ஸ்டார் நிறுவனம், கேஎஸ்எல் இண்டஸ்ட்ரீஸ், மாவென் பயோடெக், பனோர்மிக் யுனிவர்சல், ராசி எலெக்ட்ரோட்ஸ் உள்ளிட்ட சில நிறுவனங்களின் பங்குகள் அதிகம் விற்பனையானது போன்ற தோற்றத்தை ஏற்படுத்தியுள்ளனர்.
இது தற்போது கண்டுபிடிக்கப்பட்டு இதனால் பயனடைந்த 16 பேரின் வங்கிக் கணக்குகளை முடக்குமாறு தேசிய பங்கு பரிவர்த்தனை டெபாசிட்டரி நிறுவனத்துக்கு (என்எஸ்டிஎல்) உத்தரவிட்டுள்ளது.
கருத்துகள் இல்லை:
கருத்துரையிடுக