ஹோன்டா மோட்டார் சைக்கிள் அண்ட் ஸ்கூட்டர் நிறுவனம் சிபி டிவிஸ்டர் ரக மோட்டார் பைக்கை நேற்று அறிமுகப்படுத்தியது.
இதன் அறிமுகவிழாவில் துணை தலைவர் ( உற்பத்தி) வி.ஸ்ரீதர் செய்தியாளர்களிடம் பேசுகையில், இந்த பைக் 110 சி.சி திறன் கொண்டது. இது இந்திய மோட்டார் பைக் சந்தையில் புதிய போக்கை உண்டாக்குவதுடன், விற்பனையிலும் உரிய இடத்தை பிடிக்கும்.
இது கிக்-டிரம்-அலாய், செல்ப்-டிரம்-அலாய், செல்ப்-டிஸ்க்-அலாய் ஆகிய மூன்று மாடல்களில் கிடைக்கிறது. இது ஐந்து நிறங்களில் கிடைக்கும்.
எங்கள் நிறுவனம் 2010-11 ஆம் ஆண்டில் 15 லட்சம் இரு சக்கர வாகனங்களுக்கும் அதிகமாக விற்பனை செய்ய திட்டமிட்டுள்ளோம் என்று கூறினார்.
இந்நிகழ்ச்சியில் தென் பிராந்திய தலைவர் பி.ராஜகோபால் கூறுகையில், புதிய இளம் தலைமுறையினருக்காக, புத்தம் புதிய ரகங்களில் மோட்டார் பைக் தயாரிக்கின்றோம். இந்தியாவில் ஹோன்டா நிறுவனத்தின் மொத்த இரு சக்கர வாகன விற்பனையில், தமிழகத்தின் பங்கு 9 விழுக்காடாக உள்ளது என்று தெரிவித்தார்.
இதன் விலை சென்னையில் ரகத்திற்கு தகுந்தாற்போல் ரூ.43,650 முதல் ரூ.49,650 வரை.
கருத்துகள் இல்லை:
கருத்துரையிடுக